اعلانات منتديات حجي الشنان
  
  
الإهداءات
العودة   منتديات حجي الشنان > (¯`·°~*¨°o.O (ديـوانــيــة حــجـي) O.o°¨*~°¯) > فـواصـل شـعــريـــة
إضافة رد
 
أدوات الموضوع طريقة عرض الموضوع
قديم 09-06-2010, 11:39 PM   #1
شـــاعـــر


الصورة الرمزية هــداج

بيانات اضافيه [ + ]
 رقم العضوية : 264
 تاريخ التسجيل :  Aug 2010
 أخر زيارة : 08-22-2012 (03:46 PM)
 المشاركات : 850 [ + ]
 التقييم :  70
لوني المفضل : Black
Icon47 ديوان الشاعر/سلطان بن عادي المطيري



طواريق المعاني


قال الذي حده على بـدع الألحـان
وأشرف على بنات فكري وندبهـا



يذب صوته بين سجّـات واذعـان
على طواريـق المعانـي سحبهـا



ويتـل قلبـه بالمعاليـق شريـان
تلـّة يميـن ٍ تلّهـا في كربـهـا



في ساعةٍ فيها غفة كـل الأذهـان
ما حس فيها كود منهـو حسبهـا



شـوارد المعنـى ثقيـلات الأوزان
يشدهـا هاجـوس فكـر ٍ سكبهـا



شاب الورق ممـا بقلبـه ولا لان
أرها على الجـزلات حتـى كتبهـا



هي سولته ياقلب مـا فيـه سلـوان
اسباب من قاد السبب من سببهـا



اللي تسبب لـي بهجـره للأعيـان
جعله وقـود النـار وأول حطبهـا



ترف الصبا عذب اللما مطرق البان
ميّاس قـد وكـم قلـوبٍ عطبهـا



سبحان من صوّر جماله وسبحـان
أنا اشهد ان اللي عطاهـا وهبهـا


لاجيت اقارنها مع البيـض شتـان
مـا بيـن النـحـاس وذهبـهـا


والا وقف رمحٍ على راس ما بـان
والا مشى درج القطا مـا عجبهـا


أرواه ربـه والبهـا فيـه ريـان
وقام يتغطـرس بالعيـون وهدبهـا


فريد جنسه ما انخلق مثلـه انسـان
كبر حـظ اللـي ولاهـا وكسبهـا


تبقى لها ذكرى على مر الأزمـان
بنت الرجال اللـي رفيـعٍ نسبهـا


أدمنت حبه ليـن عدّيـت الإدمـان
والأرض ضاقت لو وسيع ٍرحبهـا


قـم يانديبـي بالملازيـم والشـان
حملـك ورق وانـا عليـّه تعبهـا


اركب على اتقن مواريث الألمـان
بالكاش مشراها ماهي فـي طلبهـا


من وارد الناغي ماهي حوش عمّان
ياكـم عيـونٍ لا تحلـة رهبـهـا


ان قلت صانعها ماهو بنس من جان
فوق المواتر صاغها ثـم غصبهـا


ياكنها عـذرا تمـاري بالاوجـان
بالملعبه مـا حولهـا مـن هزبهـا


مـن فـوق فـل ابشـن بـيـلان
الرابح اللـي جابهـا مـن نجبهـا


تنزع من الباطن وتسري مسيـان
تهقـوي اللـي للمسافـه ركبهـا


بي إم سبع اميه وخمسين وحصان
بين المواتر ما ذكـر مـن غلبهـا


من شيشة ابن سرور ولا عبيـلان
فـوّل وقـود النـارواوزن حدبهـا


ثم تلّهـا تلـة شفـوقٍ وحدمـان
للي هـوى بالـه تنحـى جنبهـا


ياكنها دعجاً هـوة بيـن عقبـان
شيهانةٍ فـي عشهـا مـا رعبهـا


اسرح مساريح القطا يـم نجران
ديرة رجـالٍ فعلهـا مـا حجبهـا


واضح محله ما يبي وصف عنوان
تلفي على اللي مـا تغـره رتبهـا


قلًه ترا ذا الخط من يم سلطـان
وانتم تحلون البلـش مـع نشبهـا


لاياعوض ياصاحبي يـا كحيـلان
أنته عوض نفسٍ تزايـد غضبهـا


أنته شبيه الذيب والذيب سرحـان
عدا على روس الطـوال ورقبهـا


تبذل يمينـك مـا تغاليـة الاثمـان
يمناً على فعـل المراجـل طربهـا


يمناك عدّة بك ولك كـم برهـان
ما جور ياعـودٍ جذبـك وجذبهـا


روسان يا جاهل عن فعول روسان
حمولةٍ مـا غـاب عنهـا شببهـا


أشكي عليك الحال من كايـنٍ كـان
عسلوجـةٍ ياشيـب قلـبٍ رغبهـا


ما نساه لو تنسى بني يام شيبـان
ولو ينقل الباطـن وعوجـاه بـ أبهـا


ولو ينتقل لدبـي سنجـار وابـان
وبرج العرب والعين عندي عزبهـا


ولو تنكر المطران عرفا وعوجـان
والصلب والصمان واقصى هضبها


والشمري يزهق بحايـل وبـرزان
ويترك معاميله عقب ما حضبهـا


ولو يطردون الضيف طلقين الأيمان
والضيف ما يلقى القرا في عربهـا


ولو تنتقل وايل ورا ضلع شمـران
وتنزل بعرعر نـاس ماهـي شعبهـا


ولو يقطنون السيف صبيان قحطان
وتتـرك تهلاّهـا وتنـزع ودبهـا


ولو يتركون أهل الحسا كل بستـان
ويجنبـون نخيلهـا مـع رطبهـا


واهل البحر تنزح من السيف بدوان
وتارد علـى لينـه وتمـلا قربهـا


ما انساه دام الروح في وسط الأبدان
مـدام روحـي ربهـا مـا سلبهـا


اخيلها مـا خايلـوا غـرّ الأمـزان
وآون ونّــاتٍ تكـسـر عتبـهـا


هذا ولـك منـي تحيـه وعرفـان
يامن فناجيـل المراجـل شربهـا








ياكبير الجـاه زدنـي منـك بـاس
وانت ملجانا مـن اليـوم العبـوس


اهدنا للعـز عـن درب الخفـاس
في حجاك عن البلاوي والنحـوس


في حماك وثم حمى اهل المـراس
غيرهم من غيرهم حبس الحبـوس


قـادة الامـة مطيـرة النـعـاس
قـادة الامـة مفرجـة الـيـؤوس


اُسد قوماً من بني يعـرب وسـاس
في رحاهم تطحن كبار الـرؤوس


ان تلاقى الجمع واشتـد العمـاس
خضبـوا بالـدم كفيـن العـروس


هكذا يبقـون كـا الشـم الـرواس
كم سقو عدوانهـم مـر الكـؤوس


من غضب هارون ويل (ابو نواس)
لاضرب عند الخطر دق النقـوس


ياهجوسي دام بالوضـع اللتمـاس
والهوى صلفـاً مهبـه ومعكـوس


اضربي قفر المعانـي راس راس
وانهلي من غيهبن غيـر الطقـوس


والبسـي معنـاً يقـاس ولايقـاس
لبس لكن غير عـن كـل اللبـوس


خلي اللي مابقـى فيهـم حمـاس
لقمـتً بيـن الثنايـا والضـروس


اسري بعقدين لـول وعقـد مـاس
وعالجي اسبـاب نقـل الفايـروس


دلي اللـي تـاه فالليـل الدمـاس
ودرسيه ان كان يحتـاج الـدروس


واشرحي للي فقد بعض الحـواس
قصة الجـلاد واحفـاد المجـوس


بعدها برسم علـى خـط التمـاس
وافرق الارقام في وضع الاسـوس


واترك الماخوذ في حالـة نفـاس
والوي اذن اللي غدا طباخ فـوس


ماينجيـك الحـذر والاحـتـراس
استمع لي يوم هب الريـح كـوس


ياصبـي القـوم للمعنـى تـواس
واستلمها من ضميري قوس قـوس


جوهر المعنى مهو صفر النحـاس
مايقايـض بالدراهـم والفـلـوس


جعل راسِ خالـيِ مابـه عطـاس
ماتقلـد بـه حبـال العيطـمـوس


وانـت يامـاد التبجـح فيـك داس
مدعين الجـود وعيـال النمـوس


تاجروا بالنـاس لجـل اثراء نـاس
واستغلوهم مع ضعـاف النفـوس


لابسيـنً قلـة الشيـمـة لـبـاس
ويـش جبتـوا يامحلبـت الديـوس


قرصنة شعر وتجنـي واختـلاس
وفحش منطوق الرجيلي والبلـوس


وان تطرق لي طريـح الاحتبـاس
بتركه في زاويه تحـت الكبـوس


ماحسبنـا لـك حسابـاً يالطفـاس
فاطمينك بس ذا طبع ( اللسـوس)


انـت لاقالـط ولا لبّـاس طــاس
ولانت مقدمهم ضحى اليوم الضروس


جيت للبيشة وحطو لك ( ركـاس)
قم بدورك خـل دور العيـدروس


مايفكونـك مكـثـرة الحـسـاس
ولاتزبنك الجيوب مـع الجمـوس


فرق ابا الطيب وفرق ابي فـراس
عنك شاسـع كالقيـام وكالجلـوس


اشهـد انـك مقديـاً يابـو دبـاس
عند ماوصفـت لدبـاس العسـوس


تفرق افعال الاسود مـن البسـاس
فرق هداج الغزير مـن الرسـوس


وانت ياللي فيك ياس ومنك يـاس
ويش تعني للعرب حرب البسـوس


كان لك غصناً خضر مابـه يبـاس
اعرف ان الغصن ينخر فيه سوس





لاواهني اللي مع العيد عيد
ماغاب عن عينه خلـيـل ٍ يـوده


ماهوب ياسلطان مثلي مقيد
دونه خفير ٍ من ورا الباب رده


من عقب عز النفس قام يتسيد
عريب ماطقو بـخــالــه وجــده


من قلة الواهس غدا تقل سيد
يومي بمسباح ٍ طويل يـــقــده


يازين قاف ٍ كل مافيه جيد
من راس عود ٍ شاقني في مشده


حي الكتاب اللي على العز شيد
طرايف ٍ بـيـن الـنشـاما نـعـده


مالوم ناصر في خليله تحيد
عزاه من قلب ٍ غدا الــوقـت ضده


دنياك هذي يالسـبـيـعي تبيد
مافيـــه حــي إلازمــانــه يــلــده


يابوفلاح ابصملك العشر وايّد
من صبرك اللي بيح الوقت سده




الطيب غالي

ياهيه ياهيه دعوه منك محسومه
الزمل لاتحتكها ولاتقاربها


في مجلسك كنّك بقاره ومرجومه
وتعذرب أهل الوفا على تجاربها


خذ زهلتك واحتفظ فيها ومعلومه
إما تشرّق بها ولاّ تغربها


تقول يمناك ياسلطان مخرومه
وأقول يازين عذروب ٍ معذربها


ذمّك مدحني ولك غايه ومفهومه
والنفس من مابها تظهر مآربها


يوم ان خطو الخبل لاغص بلعومه
حتى الجليسه ملقيته غواربها


أخير ماقال في هرجه وبعلومه
يومه ترع كلمة ٍ ماهوب يعربها


مادام يمناه للماجوب محرومه
وش له مع الناس دام يديه تاربها


الطيب غالي وله هومه وله قومه
ويثمّن الغانمه كف ٍ مجربها


ولكل رجل ٍ على مايشتهي هومه
والناس ماكلّها عصم ٍ شواربها


إيوالله أدري وخبل القوم مالومه
ولكل ساق ٍ على ربة مشاربها


لاشك منهو كفوفه لادرج حومه
تبرى كبود ٍ على ساقة مضاربها


ولاّ أنت **** ولااحد ٍ صاقر ـابومه
لو درّبت مفلس ٍ منهو مدربها



لو دارت الافلاك



يامحمدالخالدلك الله يرتعن


مرتاع ..من وقف لهن رحايله



باالساحل الغربي لفنه واشلعن


بيبان صدره والهجوس تحايله



الياانتبه لهجوسه اللي لاشعن


شعيت قطيع ومن بعيدوحايله



مرن مواردهن وردن ورجعن


والشمس من قبل الغياب ومايله



تلافتن برقابهن ثم اربعـــن


والكل منهن جــت بيمنن طايله



كن الضلوع رقاق سمرولعن


من ميسمن قدلي زمان اشايله



لاكن دقات الخفوق اليااسرعن


دقة سرايا اهل الجموع الهايله



مثل العقيداللي ترجل وانطعن


من كف صاحب والجموع تسايله



ولحدن يقول ظروف وقتي موجعن


الا/العفين اللي رداه يغايله



واناصروف الوقت لويمي سعن


درعي متين ..ولليالي شايله



يامفردات المدح في مثله طعن


اسمه شرف شاعرك في مثايله



كيلن له جزال المدايح واجمعن


من كل روض وفيه من خصايل



البيض ماجابن حليه وارضعن


ياعلني مااعتاض في بــدايله



لودارة الأفلاك والدنيامعــن


ركنه ذرى للي ركــــونه ايله



لطايله والمجد/له راسن يعن


اللي يفـــرج من حمة غلايله



علي صليب الراس في ضفه رعن


وضحن جديد/النبت في مسايله



الطايرات الياذكرته وقعن


همال جـــودوكل /..عين تخايله



ايمان في وقت اللوازم مفزعن


تفــــدى يمين اللي يمينــه طايله



كنازت المال الحمرماطلعــن


سمعــه ولاهمــه ياكـــودستايله



يااذان خلق الله توحن واسمعن


هذاالصحيح وكل بدعه زايله




طفلة الريح



ياالصمت فك القيدياالصمت ابابيح



قبل ايتفجرهاجسي لـك شضايـا



ارقابة المعنى بـروس اللحاليـح


اليالمـس معنـاه قلـب وخلايـا



بعض المعانـي للمعانـي مفاتيـح


تملى عيونك لـو عيونـك ملايـا



انفاسها قيصوم وحروفهـا شـيـح


قلايدالمعنـى كنـيـن الخفـايـا



ماجات تطلب للمشاعرتصاريـح


سوت بناماتشتهـي مـن سوايـا



نقطة لقامعنىوهمسـة مجاريـح


ميعادهامالـه مكـان ونحـايـا



يامستفزالصمت مـال التفاريـح


نظرت فرح للي جروحه عرايـا



ادميت باالمعنى على مدت الفيـح


هـذي جواديهاوانـاوش جدايـا



جداي لانامت عيـون المشافيـح


استقبـل هجوسـي سراياسرايـا



ماجيت للمعنى لكسـب المرابيـح


اعطي ولااطلب غيرربي عطايـا



جيته على المعنى بعيدالمساريـح


معـه اتنهـت واحتفـظ باالبقايـا



واعودلدراجي ويبال لـي سيـح


قريت بحساسي وبيـض النوايـا



لاباس يااللي مـع تنهاتـه ابيـح


اقبل مروري مع جزيـل التحايـا








مطيح فاارس..!!






طاحت قلاعك مابقى شي من شي


ازرع واراضي حبناكلهابوووور



مقفي تباهى في مطيحي واناحي


مطيح فارس بين الاجناب مغدوور



انا انا لازلت وانتي مهي هي


راحت هذيك الفاتنه وانطفى نووور



الفاتنه كانت شعور وبحر غي


وللفاتنه كانت بساتين وقصووووور



وكانت وكانت ضي يافاقدالضي


وشلون تطعني وانا حامي السوور



يامحرك اشيائي عبث ردهالي
ماتدري اني كلي احساس وشعوور









ناقوس ذكراك


العين كن السهر بابن وحارسته



وعيون غيري تناود من تنعسها



واعيني اللي دموع الغيض حابسته


والعين الأخرى قهرها طال واعمسها



لوترجم العكس رجالن بوسوسته


تبقى المعاني لهلها عند حارسها



لاوندق الليل والهاجوس هوجسته


حيلن بقلبي قبل (هوجاس) حابسها



لجن بصدري وقلب الصب يبسته


في غيهبن عن جميع الناس هاجسها



اسرج من الفكر قافن عقب ماقسته


بنات فكرن من الالماس نلبسها



ازكا من المسك لامني تنفسته


وقلوب غيري على المعنى يلامسها



له مع هل الصنف والدنيا مدرسته


وهل المعاني لياجاها يدرسها



ابعد نظرلا نزف شعره وهندسته


من حيرتن في كنين الروح موجسها



لو المعاني تفيد بكل مونسته


لاكان سردار بيض الطرس يدبسها



ياوجد حالي على اللي يوم خامسته


غرون معاليق قلبي قام يحمسها



وجد اللذي شافها عوجى ولابسته


والقوم ببناه بينتن مفارسها



عودن بمجلاه والدنيا معومسته


والقوم وش عذرها للي منومسها



في غيبته شرعو بالبيت وحمسته


حوافر الخيل بالرفه مداوسها



عليك يابو هدب عينن بغلمسته


غيرك من الناس عيني من يونسها



ناقوس ذكراك لامن دق بجرسته


كن المعاليق بالدمام يرجسها



ماترحم الحال جرحي منك موجسته


يافاخر الورد كاديها ونرجسها



حضن الجفى ماعتق حين بلولسته


مادام خله سيوف الهجر غارسها



كمن طريقن بليلن دامسن دسته


ودروب ياطولها للي يقيسها



يومي بقلبي هوى الغربي بنسنسته


اوماي غيدن لهيب القيض ميبسها







احــزان جــده...!!


لوان جده تحتضن ضايق البال


والبحرالاحمريغسل احزان جده



ماظاقت الدنياعلى عين رجال


ولا تفجر هاجسي يوم ارده



دورتلي نايف على كل الاقذال


واليم متعبني بجرزه ومده



قبل السفرشفته وانامااعرف احتال


وبيبان قلبي بين وصله وصده



قلت اروني ياطيب الجدوالخال


شوفك ضماي برحلةً مجرهده



وقف واناصمتي معاني وموال


والباب من دونه ولافيه قده



الموت من علمن لفاني بجوال


علمً وكاد وميت النار عده



البارحه يلعب وانامن ورى الجال


واليوم يطعني ويطعن بشده



من عادتي لقفيت قفيت باالحال


والطير لو طلعه لهم مانهده



ياماعطيت من الوفاوالغلاسال


في واديً مايمري الريف خده



ابعد مدى مهما لعب جرهد ولال


نرقى سما ونجومنا مستعده



مانثني لو تنثني كل الامال


عاداتنا تبقى كذا مستمده



وش حيلتك لاصرت وافي وبك مال


حيً ترجيته وهو من توده



يافهيد هاك من المعاني والامثال


اخر حروفي والمعاني ترده



انته من العجمان ياطيب الفال


هل الفعول الطيبه والأشده



وانامن المطران حماية التال


ساعة رخا قدام ولا بشده






قصيدة (الرنج)


ياراكب فـوق مـن تتعـب منافستـه


دفع رباعـي مطباتـه مـا توجسهـا



من مصنعه جيب توه فـي منوفستـه


دغري لبن سيـف واسياتـه مكيسهـا



ماتفرقه عـن جنـاح الليـل ودمستـه


غراب ليلـن يتخثـع فـي غطالسهـا



يفهـق لـك الليـل لا من دقـت اجرستـه


كنك علـى ايـام تمـوز واشامسهـا



لادق سلفه رهيـم حصـان بعطستـه


ولا مضارس فحولن فـي تضرسهـا



رنجن خطوط الجلد كلـت ممارستـه


والياتخثـع طموحـن فـي تهندسهـا



أعجوبة الغرب لأهل الشرق كرستـه


على تضاريس جـل اللـي مجنسهـا



هجوبهـا عريبيـا والغـرب ابالستـه


حتى غـدا سالفـت بـدون بمجلسهـا



اليا نقل نمرته مـن عقـب ريوستـه


وشيش رقطـا قبـل تقـرص تنفسهـا



مركب هل الطيـب يامكثـر مقدستـه


وأجواءه لأهل نجد مصنوعن يمارسها



سواقه اللي ظروف الوقـت لاحستـه


وسليتره سبت فـي رجلـه وكابسهـا



ظـروف وقتـه معاكسهـا وعاكستـه


وسلـوم ربعـه مجنبهـا وموكسـهـا



ملفاك للـي فعـول الطيـب نومستـه


اللي عليه اسنـد الدعـوى وانكسهـا



طلقن حجاجه لا ضاع الراي بعمستـه


تـاج المواجـيـب لا والله ريسـهـا



جبار مـن لاعتـه بقعـاء وكركستـه


ذيبـن بوقتـن تعـوابـه هجارسـهـا



يمناه للجود تجـذب طيـب وترستـه


يـوم ان غيـره دنانـيـره يكدسـهـا



قل ياعلي جاك من يشكـي بهجرستـه


كفك ندى جـود وجهـودك تكرسهـا



العين كـن السهـر بابـن وحارستـه


وعيون غيـري تنـاود مـن تنعسهـا



وعيني اللي دموع الغيـض حابستـه


والعين الأخرى قهرهـا طال وعمسهـا



لوترجم العكـس رجالـن بوسوستـه


تبقى المعاني لأهلهـا عنـد حارسهـا



لاوندق الليـل والهاجـوس هوجستـه


حيلن بقلبي قبـل هوجـاس حابسهـا



لجن بصدري وقلـب الصـب يبستـه


في غيهبن عن جميع النـاس هاجسهـا



أسرج من الفكر قافن عقب ما قسته


بنات فكـرن مـن الألمـاس نلبسهـا



ازكـى مـن المسـك لامـني تنفستـه


وقلوب غيري من المعنـى يلامسهـا



لامحلـى الصنـف والدنيـا مدرستـه


وأهـل المعانـي لاجاهـا يدرسـهـا



أبعد نظر لانـزف شعـره وهندستـه


من حيرتن زاد في صدري تحسسهـا



لو المعاني تفيد في كـل مـا ونستـه


لاكان سلطان بيض الطـرس يدبسهـا



ياوجد حالي على اللي يـوم خامستـه


غرون معاليـق قلبـي قـام يحمسهـا



وجد الي ذي شافهـا عوجاا ولا بسته


والقوم ببناه بينتن مفارسهــا



عود بمجلاهـ والدنيـا معومسته


والقوم وش عذرهـا للي منومسهـا



في غيبته شرعو للبيت واحمسته


حوافر الخيل بالرفه مداوسهـا



عليك يابو هدب عين بغلمسته


غيرك من الناس عيني من يونسهـا



ناقوس ذكراك لامن دق بأجرسته


كن المعاليق بالدمام يرجسهـا



ماترحم الحال جرحي منك ماوجسته


ياباخر الورد كاديهـا ونرجسهـا



يابشه احسن ياملحه وريستـه


البيض من حضرتك ملعون مترسهـا



لا تترك الصب في هجرك ولولستـه


وانت سيوف الجفـا والصد غارسهـا



كم من طريق بليل دامسن دستـه


ودروب ياطولهـا للي يقيسهـا



يومي بقلبي هوا الغربي بـ نسنسته


وما يغيد لهيب القيض ميبسهـا



اقبل تحيات من دنياه جلستـه


على شفا جال والدنيـا يعاكسهـا




[ شتات العمـــر ]


يا شتـات العمـر ياكـل المراحـل


يامراحل من وقف في العمـر راحـل



أنتـي أنتـي ماتغيبيـن بعيـونـي


ياعيون اللي زهـى دعجـه مكاحـل



ان رحت والا جيت في هجسي وفكري


مستكنـن بيـن هذيـك النـواحـل



مبحرا فـي بحـرك اللـي لا تنهـت


ضيع جسـوم الموانـئ والسواحـل



كـم توجدتـك بنـات افكـار خلـك


لين غنوا بـك طروبيـن الرواحـل



من ربيع العمر لـي حتـي خريفـه


أنت مرباعه لـو أن الوقـت ماحـل



والله أني عارف أنـي بـس مـدري


وش بعد باقي وراء ذيـك المراحـل






ياعاشق الجــود...!!


يهزني حبـه كمـا هـزت العـود


عود(ن)تقفتـه الهبايـب ومـالـي



عليك يااللي في عيوني لك شهـود


زود السهـر ومنادمـي لليـالـي



عاين ومثلك يفرق البيض والسـود


عايـن بحالـك ثـم عايـن بحالـي



ضربتني درب المتاهـات والكـود


وانت البعيد وحاسبـك راس مالـي



ارقب على رجم العشاشيق واعـود


واشيـل حمل(ن)ماتشيلـه اجبالـي



ادري حصيلي منك يالترف مجحود


مجحودفي حبـك مـن اول وتالـي



لا شـك قلبـي ماتبـرى ومعقـود


حتى النصيحه ما عطاهـا مجالـي



اقول له عنـدي مواثيـق وعهـود


باالذات لاهبـت هبـوب الشمالـي



معاهـده لاهـب مـن صوبهانـود


الاطف انفـاس الشمـال بسؤالـي



لي في منا فيهـا مواسـم ومـؤود


حلم(ن) غدى بين الرجا والمحالـي



تشابه ايامي والاحـزان فـي زود


وتـل قافـي ( لرفـيـق المـوالـي )



وشعاد لوقالو لـي النـاس مفقـود


باالقاف سلواني وهـاك ارتجالـي



اعن له واسراب شوقي مع النـود


يمـه تودينـي وهـو فـي خيالـي



غربة هوانـا مالهـا حـد وحـدود


مشكاي ماغيرك ذكـرت وطرالـي



وان صحت يامشكاي مشكاي محمود


صيحت خفا منهـا الحنايـا هيالـي



مايقتلك باالحـب ياعاشـق الجـود


الا طعون فراق مـن كـان غالـي



يابن العواجي ياذرى كل مضهـود


وريث شيخ ونايـف(ن) باالرجالـي






[ في مهب الريح ]


في مهب الريح ودروبه نثرت


حلم ماغيره ولجله ماحييت



اشهد انك قاسي(ن)يومك هجرت


واشهداني في محبتكم وفيت



مانسيتك حتى اقول اني ذكرت


ولاسليتك حتى اقول اني سليت



كل ماسجيت بعيوني حضرت


عايش(ن)في قلبي اللي به ربيت



جيتني من بعدماغبت وضهرت


والأماني بين حي وبين ميت



كيف ياخلي على قلبك قدرت


طاوعك قلبك علي ولا نسيت



انتظرتك وانتظرتك وانتظرت


ويوم ضاع العمرقلي ليه جيت



ياكثروقتن على شانك هدرت


وانت لاهي ياحبيبي مادريت



وياكثرمانامت الناس وسهرت


مع خيالك ياحبيبي كم سريت



كم وكم دورت لك عذروعذرت


والمعاني تنتحربي بيت بيت



ايه مازلت اعشقك لاكن صبرت


والدليل اني على شانك عزيت



وكل ماطروك صديت وزفرت


وقمت اجاوب ونتن معهابكيت





مشاوير النــدم ...!!


مع السلامه ياالعشيق اللي تنكرللعشيق


انااتحمل غلطتي وجه الزمن مافيه دم



ماهي مشاريه وعتب الاكلامً مايليق


ابنيله قصورالغلاوالحبويديه تهدم



وانانبيل وعادتي باقي على العهدالوثيق


نفسي عزيزهلويضيع اميرورعاهوخدم



مايجذب افواج النحل للوردياكودالرحيق


الوردينقص والنحل يزدادوالورد انعدم



لوكثرت اعلوم العرب نصدعن مالانطيق


مانلتفت للمبغضه والحاسدين من السدم



اللي يبي يبني خبريبنيه لاكن لايضيق


واللي تخيل مشكله تبقى معه لوهي عدم



اللي جهل معنى الصبرلابدلهيوم ويفيق


يفيق لاكن وش يفيدان فاق والوضع احتدم



هذي رساله واقرهاياكهرمان وياعقيق


سيلً تحدرمن غلى جاك ورجعلي وارتدم



جعل القصايدللحريق اللي يودي للحريق


الله ولادرب المذله يامشاوير الندم



ياليتني عن عنوتي رجعت من نص الطريق


ولاتعب ساقي ولاعنيت لك قلب وقدم



القلب ذاك اللي تخبره في بحرحبك غريق


منك تعلم من كثرما جاه منك وانصدم



واللي يبي ينزل كذايرضى على مالايليق


ماينفعه لوينتبه كثرالحسايف والندم




آهات الحياااارى


عادت اهل المال تبتـز الفقـارى


لن راع المال له مخـن ..تجـاري



وانت اغنى ما رأيت من العذارى


بك زين وفي ذرى فرقة طـواري



تستبيح الناس في عز النهـارى


كنك الهجـام لا صـار انتحـاري



يا عذول الحب حقك بـي تثـارى


الرجا واقف على جمر انتظـاري



مدلي وصله ومن ثـم استـدارى


يجدع الشرهه وهو بالحـال داري



كل نجمن غاب وعيوني سهـارى


ياعيوني لي متى طول المسـاري



ول يا دربن طويلن مـا يجـارى


لا مخـارج نسلكـه ولا كبـاري



يا عيون الشعر واهات الحيـارى


ارقصن كالرق بقلوب الجـواري



ما على المقفي حسايف لو توارى


كل غرن ما عرف معنى قـراري



المعانـي لـو طلبناهـا تمـارى


تطرد اسراب الجراد من الصحاري



وانت ياللي كل مانديـت يـارى


عنك منكافي يسد عن اعتـذاري



جيتني غره وبسمـن مستعـارى


تطمس احروف الرسايل والمواري




ذروة ـالشــوق....!!


اذهلتني بالغموض وكثرت الحيره


حتى بحثت الخفى وأنت الخفى كله



اخاف من حسبتك واخشى محاذيره


خوفٍ ملك مهجتي والخوف منحله



تركتني للوهم والشك .. والغيره


وانا الذي ما وطيت الذنب والزله



ليتك وهم والتمس عذري وتبريره


وليتك حقيقه .. وأحقق حلم وأوصله



وشلون تطري علي دايم السيره


وانت اللي صرتلي زولن وانا ضله



ان قلت ابنساك وسافر عن الديره


سافر معي هاجسن طال ما امله



من عام الأول واقول الخير بالخيره


حتى تمرد خفوقن عاقبه خله



يا ذروة الشوق سوقيلي تباشيره


الخوف يجتاحني لجيت ابا ادله



متقبلن صدمته والقى معاذيره


وش عاد لوهو يبي غبني وراضي له


 
 توقيع :





الله لا يـخـليـني مـن العــذب...


رد مع اقتباس
قديم 09-07-2010, 09:01 PM   #2
آبيكـ بعيوني آبيكـ


الصورة الرمزية غرتكـ دنياكـ

بيانات اضافيه [ + ]
 رقم العضوية : 110
 تاريخ التسجيل :  Aug 2010
 أخر زيارة : 12-30-2011 (02:25 PM)
 المشاركات : 343 [ + ]
 التقييم :  10
 مزاجي
 MMS ~
MMS ~
لوني المفضل : Cadetblue
افتراضي



يعطيكـ العااافيه يالسرسري

وبيض الله وجهكـ

مشكور على الجهد


 
 توقيع :


لآأعلم مآتحملهُ آلأيآم ليْ .. لكن ثقتي بآنكـ معي تكفيني =)


رد مع اقتباس
قديم 09-08-2010, 02:58 AM   #3


الصورة الرمزية فارس نجد

بيانات اضافيه [ + ]
 رقم العضوية : 159
 تاريخ التسجيل :  Aug 2010
 أخر زيارة : 04-09-2014 (09:18 PM)
 المشاركات : 3,935 [ + ]
 التقييم :  11
 الدولهـ
Saudi Arabia
 مزاجي
لوني المفضل : Black

اوسمتي

افتراضي



يعطيك العااافيه السرسري


 
 توقيع :
قال الإمام اللالكائي رحمه الله : ( فهذا دين أُخذ أوله عن رسول الله صلى الله عليه وسلم مشافهة ، لم يشبه لبس و لا شبهة ، ثم نقلها العدول عن العدول من غير تحامل و لا ميل ، ثم الكافة عن الكافة ، و الصافة عن الصافة ، و الجماعة عن الجماعة ، أخذ كف بكف ، و تمسك خلف بسلف ، كالحروف يتلو بعضها بعضاً ، و يتسق اخراها على أولاها ، رصفاً ونظماً )


رد مع اقتباس
قديم 09-08-2010, 05:41 AM   #4


الصورة الرمزية ## سرياف ##

بيانات اضافيه [ + ]
 رقم العضوية : 417
 تاريخ التسجيل :  Sep 2010
 أخر زيارة : 06-15-2013 (03:38 PM)
 المشاركات : 73 [ + ]
 التقييم :  10
 مزاجي
لوني المفضل : Cadetblue
افتراضي




يعطيك العافيه السرسري على النقل الحلو (ويسلم لسان الشاعر الفريق ركن سلطان بن عادي المطيري )


 


رد مع اقتباس
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:36 AM.


Powered by vBulletin® Version 3.8.4
Copyright ©2000 - 2014, Jelsoft Enterprises Ltd diamond
HêĽм √ 3.1 BY: ! ωαнαм ! © 2010
الحقوق محفوظه لمنتديات حجي الشنان..